يانـيل خذ مريم واميره وساره

من طرف **Admin** الأحد فبراير 08, 2009 4:59 am

محتـــــــاج لكبريت بـس وسيـــجـــاره
الجلـــــسه لحــالك على ضفّـــة النيـــل

وانته تفرّج فـــــــــوق سطـــح العماره
في فندق اسمه ((البهــــآوآت هوتيل))

فندق به البــــــــدروم مـــرقص واثاره
والناس من زود المعــاصي مهابيـــــل

كلٍّ خــذا له بنت واطـــفـــــــــا الاناره
وانا على حبر وورق ساهــــر الليــــل

يانيـــــل يقطعها حيـــــــــاة الخساره
زرعت لكن ماجنيــــــــت المحــاصيل

وجيــــــتك وضوي مثل ضــــو المناره
اقدع ولــد مايقبل الضيــــــم والميــــل

واقف و هــــــمي يهـدّ برج التجــاره
ولاطــــاحت دموعي سوى للمناديـــل

يانيــــــل خذ مريـم واميـــــره وســاره
خذهن فــــــداك ورد لي نجـمة سهيـــل

اللي هـــــــــواها كل ما به طهــــــــاره
حبٍ على وضح النقـــــــا دون تضليــل

مــــا هي ببنتن تجـــي تـــــــاره وتــاره
مرّه معي وامــــــرار مع الرياجيــــــــل

لاسكرت خــــط اتصــــــال الحــــــراره
قــــالت لمنـهو جنبها اكلّـــــــم إخبيـــل

يانيــــل سلم لي على احلى محـــــــاره
بنت الرجـــــــال اهل الشرف والحلاحيل

يانيل كــانت معي في وسط حـــــــــاره
حــــارة بدو قهـــــوه وتمر ومعاميـــــل

هناك عيــــــــــب اجي لها في زيــــاره
واسكنــتها قلبي به تقيـــــــــم وتحيــل

وهناك عيـــــــــب اهدي عليـها سـواره
واهديـــــتها عمــر الشقا والبهـــــاذيل

يانيل وقلـــــــــوب الخــــلايق حجــــاره
ماتحفظ اســــــــــرار القلوب المعاليـــل

بالله صون السرّ واحفـــــظ وقــــــــاره
وابشر بمن يـوفي عليـــــــك المواصيل

ويجيــــك لو طـــــوّل عليك انتظــــــاره
ويسهر معك ويصــــــــــآدقك حب يانيل