عيون الشقــــاوي

ليه السمـا عـوق الشقـاوي وطبـه؟
وليه الهبوب تصحي القلب لابـات؟

وليه القمر يدعـي جريـح المحبـه؟
ويقولـه ياهيـه مافات...مـامـات

جرحك ظهر لو قلـت للوجـه خبـه
وللحزن فى ضحكك رسوم وعلامات

وليه المطر يالذات ريحـه ...وصبـه
كنه رسول بيـن الاحبـاب بالـذات

اشتـاق فيـه لشوفتـك ....وانتـبـه
للى نسيته مـن مواقـف ونظـرات

لااستانس الخافـق ذكـر مـن يحبـه
ورجع يراجـع فالوناسـات مافـات

يامرتـع القلـب الحزيـن ومـربـه
يزيين بك مثل الذهب صدر الابيـات

هيهات ينسى القلـب شخـص لعبـه
وهيات يدله خاطري منـك هيهـات

سبـك مديـح ومـدح غيـرك مسبـه
تقول واذني صوتها تقول لك هـات

ونبع الغـلا عنـدي وعنـدك مصبـه
ومن الولا..فى خافقى لك .. ولاايات

طيفك حطب عيني .. وعينـي مشبـه
والشوق برد مانقطع لـو للحظـات

ومكانك الصـدر ولـك القلـب شبـه
بين الضلوع اللى فردهـا التنهـات

ولك بيرق فـى القلـب حبـك يهبـه
شامخ ولاهزه..من العـذل غـارات

محبـتـك فالـوقـت ذا ماتـشـبـه
الابخيمـه بـدو بيـن العـمـارات

ان شفتني ضايق واهوجـس واسبـه
اخاف غدر الوقت...والوقت دورات

لاتحسب ان دمعـي نـزل دون سبـه
ابكى من الفرقا وهى ما بعـد جـات

اليـوم كـل امـورنـا ...مستـبـه
وبكره ماندري وش معه من مسرات

أرب قلبـك مـثـل قلـبـى أربــه
ما يخلفه شور العرب ... والمسافات