بيتــــــــك المهجور

من طرف **Admin** الثلاثاء يناير 27, 2009 9:29 am

وقفت بلحظة الحرمان اواسي بيتك المهجـور
اقدم له من الاعذار واكفكـف عنّـه أحزانـه
أقول الخل يرجع لك ..تراه من الزمن معـذور
خذاه الوقـت بالغربـه لابُـد يحـنٍ لاوطانـه
وانا ادري بأنه بدنياك مضى ماباقـيٍ لـه دور
من الماضي من الذكرى من الملـزوم نسيانـه
تسلي نفسك بدنياك وهـو ياحظـه المكسـور
بلاه الوقت لاكنه عزف لـك عاعـذب الحانـه
نسيته مابقاله شـي فـي دنيـاك بـه مذكـور
تحب اللعب.. والنسيان تظم نفسك على احظانه
تلمّ الورد باحظانـك وترجـع تتركـه منثـور
وتغني لطيور وهـي تجـاوب معـك طربانـه
يغار الورد من لونك ومن طيبك تغار زهـور
ومن خدك ومن مبسمك ترى هالشمس خجلانه
الى شاف القمر نورك ماكن الله خلقـه بنـور
وحتى النور لـوا شافـك سجـد لله سبحانـه
عليك من الملامح مايشابه من وصوف الحـور
ألاّ سبحان من سـواك بصـورة خلـق فتانـه
أنا فدوة عيونك والعمّـر كلـه تـرى منـذور
ابيـك بدنيتـي والعّمّـرِ ماحسـب لخسرانـه
ابيك تنور الدنيا بوجهـك لـي ياكـل النـور
ابي تغرس الآمل فيني وينبت بي من أغصانـه
ابي نرجع مثل اول تبادلنـي الفـرح بسـرور
ويعود الميّ للمجرى ويروي الشـوق وديانـه
ابي نهزم جيوش الهجر ونحتلّ قلعته والسـور
ونرفع راية أهل الحب علـى سـوره وبنيانـه
ابي يرجع عقب جوره مشتت خايب ومذعـور
ونفتـح عـن مساجينـه واكسّـر كـل بيبانـه
واقول الحب ياهل الحب وطن ماعاد به مهجور
بظل أحكامه وشرعـه يـزور الخـلّ خلانـه
ونبقى مع بعضنا احباب الى مايوم نفخ الصور
ونملى العين من شوفك ونروي نفس عطشانـه
وينور بعد هالغيبـه بنـورك بيتـك المهجـور
وتكشف له ستار الحب وتكشف عنّـه أحزانـه