قصيدة الشاعر مصلح الحارثي التي القاها في برنامج شاعر المعنى

الا يالله ياللي ما علـى بابـك حـرس ودفـاع
تقبل دعوتي مـا بينـي وبينـك ذرا وحجـاب
تعـز ملوكنـا وبلادنـا وتهـدي الاوضــاع
وتصلح من يدور للغلط عنـد اتفـه الاسبـاب
انا واحد من الشعب السعودي مومن ومطـواع
واعبر عن سرياكم بني الحارث شباب وشـاب
نعاهـد وانتعهـد وانتكلـم والصـدور وسـاع
عل وضح النقا ونجدد البيعه علـى المحـراب
لأبو متعب صليب الراي في يوم الشرا والبـاع
ليا ثار العجاج وحول الطالـب علـى الطـلاب
طويل ذراع ليا منه تعـرض لـه طويـل ذراع
كسر باسه على راسه مثل ما يكسر المشعـاب
هذا واللي بعدها يـا هجوسـي ذبـي الارواع
انا واحد من الشعـار و اعبـر عـن الغيـاب
سلام الله على فيصل ولد خالـد طويـل البـاع
طويل الباع مفتـول الـذراع مجـري الهيـاب
سلام الله على الحر الشهـم الصاطـي البتـاع
سلام الله على وجه(ن) ليا غاب القمر ما غاب
سلام الله على زبن الدخيل الخايـف المرتـاع
ليا ضاقة به الدنيا وضاعـت عنـده الاطبـاب
سلام الله على طلق الحجـاج معشـي الجيـاع
ليا شح البخيل وبيـن الصـادق مـن الكـذاب
يا ابو خالد ترى وجه الحقايق ما عليـه قنـاع
انا رجل(ن) شباب وشايب(ن) من خيرة الشياب
ليا ما نبنـا داعـي قفلنـا البـاب بالمصـراع
يكود اليا لفانا الضيف ما نقفـل عليـه البـاب
و لن جانا طلب من سيدي جينـا نـدك القـاع
على شغل اليهود اللي عيونه مثل عين الـداب
مثل ما قال ابن جدلان رفرف ما عليه شـراع
تقول انه لحاله مـا معـه سايـق ولا ركـاب
ليا منه قحص بثنيـن يسبـق طلقـة المدفـاع
جناحه في ذرا التنده تقول انـه جنـاح عقـاب
ليا تلوه عكفـان الشـوارب والكبـود وجـاع
عليا بالحـرام انـه صحيـح يقـرب الغيـاب
ليا منـه تنحـر سيـدي مـا يفرعـه فـراع
يبا يقلط مـع البوابـه اللـي عنـده البـواب
يبا يقلط على هبات ريح وخاطـر(ن) شعشـاع
وياخذ راحته فالقصر لـو انـه عليـه رقـاب
انا يا سيـدي مـا همنـي طمعـه ولا طمـاع
انا همي رضاك وصحبتك يا خيـرة الاصحـاب