جيت اقول (اني احبك) شفت عينك استحيت ...

لا تقول إني ذكرت .. ولا تقـول إنـي نسيـــت

كيف يعني .. يذكرك انسان لحظـه مانســـاك

ادري إني صدق احبك .. وادري إنك مادريـت

إني حتى ضد نفسي صـرت ياعمـري معـــاك

لو أقول اشكثر أحبك ! ما تصدق لـو حكيـــت

داااام حبي فـووق والله مستـواي ومستـــواك

(كل حرف ٍ لك كتبت ) و (كل حرف ٍ لي قريت)

(في شي ٍ من عــناي) و(فيه شي ٍ من غـــلاك)

في غيابك ... ياحبيبي ياكثـر ماقلـت لييـــت

وياكثر ما قـيــــــــل عني في غيابـك وش بلاك

مو مهم اللي جــرى لي ... المهم انك رضيــت

دام يزعلني زعلّك ... ودام يرضينـي رضـــاك

إنت دمع ٍ في عيوني.. مابكيتـه لـو بكيـــت

وانت كل اللي كتبته ... وانا بس اللـي قــراك

وانت درب ٍ من بديته فـي حياتـي منتهيــت

وانت تعني لـي بهالدينـا نجاتـي والهــــلاك

جيتك أتأسف حبيبي .. وأعترف انـي خطيــت

جيتك اسبق لهفة اشواقـي ويسبقنـي غـــلاك

وانا مدري ( شلت قلبي لك ) بعد عمري وجيـيت

والا ( قلبي شالــني لك ) يابعد عمـري وجـاك

جيت اقول ( اني احبك) شفت عينـك استحيــت

في عيونك قدرة الله ... واشهـد أن الله عطــــاك

لا تقول اني ذكرت .. ولا تقـول انـي نسيـــت

دام قلبي ماذكـرك .... ودام قلبـي مانســاك .